Embrionlarda genetik seçim, yəni prenatal genetik diaqnostika, süni mayalanma zamanı embrionların genetik müayinəsi aparıldıqdan sonra yalnız genetik cəhətdən sağlam embrionların seçilərək anaya köçürülməsi prosesidir. Bu səbəbdən PGD, uğurlu süni mayalanma prosesini artıraraq, sağlam uşaq sahibi olma şansını yüksəldir.  

  Körpənin sağlam inkişafı üçün embrionun düzgün xromosom sayının və ardıcıllığının  olması vacibdir. Əgər embrionda əskik və ya artıq xromosom varsa, o, qeyri-sağlam embrion sayılır və buna aneuploidiya deyilir.

   PGT proseduru kimlərə aparıla bilər:

– Yaşı 38 və daha yuxarı olan və genetik diaqnoz istəyən gelecek ana üçün

– İki və ya daha çox IVF müraciətinə baxmayaraq hamilə qala bilməyən cütlüklər

– Translokasiya daşıyıcısı cütlüklər

– Ailəvi Ağ dəniz anemiyası, oraq hüceyrə anemiyası, kistik fibroz, SMA kimi diaqnoz edilə bilən bəzi tək gen xəstəlikləri üçün risk altında olan cütlüklər.

– Daha əvvəl xromosom pozğunluğu müəyyən edilən hamiləlik tarixçəsi olan cütlüklər

– Təkrarlanan hamiləlik itkisi olan cütlüklər

– HLA uyğunluğu olan embrionların seçilməsinə ehtiyacı olan cütlüklər üçün

  Klassik İVF stimulasiyasından sonra toplanan yumurtalar mikroinyeksiya üsulu ilə eyni gündə sperma ilə birləşdirilir və əldə edilən embrionlar 3-cu və 5-ci günə qədər izlənilir. Əgər biopsiya əməliyyatı, yəni embriondan hüceyrə alımı 3-cü günündə aparılırsa, embrionun bir ədəd hüceyrəsi, əgər 5-ci gündə aparılacaqsa, embrionun xarici hüceyrə təbəqəsindən bir neçə ədəd hüceyrə  alınır. Bu hüceyrələr üzərində genetik analiz aparılır və normal xromosom ardıcıllığına malik embrion və ya embrionlar müəyyən edilir. PGD-in süni mayalanma tətbiqlərində, embrionlar ana bətninə qoyulmadan əvvəl qiymətləndirildiyi və keyfiyyətli embrionlar seçilərək köçürüldüyü üçün hamiləlik şansı daha çox artır.