Pap smear (Pap test) qadınlarda uşaqlıq boynu xərçəngi (serviks) və ya xərçəngdən əvvəlki dövrü skrininq üçün istifadə edilən bir testdir. Pap-smear xərçəngdən əvvəlki və ya xərçəngli lezyonları müalicə oluna biləcək mərhələdə aşkar etməyə imkan verir.
Olduqca sadə və heç bir ağrı yaratmayan Pap Smear Testi ilk cinsi əlaqədən 3 il sonra və ya 21 yaşından sonra edilməlidir.
30 yaşından kiçik qadınlar üçün ildə bir dəfə edilməsi uyğun olan Pap Smear Testi, 30 yaşdan yuxarı qadınlarda ardıcıl 3 dəfə aparılmalıdır.
Smear testi sadə və ağrısız bir prosedurdur. Test menstruasiya zamanı aparılmır. Əvvəlcə uşaqlıq boynunun görünməsi üçün vajinaya bir spekulum (müayinə aləti) daxil edilir. Daha sonra uşaqlıq boynuna xüsusi fırça çəkilir və uşaqlıq boynunda riskli nahiyədən tökülən hüceyrələr toplanır. Bu hüceyrələr uşaqlıq boynu xərçəngi üçün şübhəli dəyişiklik olub-olmadığını öyrənmək üçün patoloq tərəfindən mikroskop altında araşdırılır.